નવસારી જિલ્લામાં પોલીસ કાયદાનું કડક પાલન કરાવવા સાથે સમાજમાં જે કોઈના સ્વજન નહીં હોય તેવા અજાણ્યા મૃતક લોકોની અંતિમવિધિ કરીને માનવતાની ફરજ ખાખી ધરાવતા પોલીસ કર્મીઓ કરી સમાજનું ઋણ પણ અદા કરતા હોય છે. જોકે હાલમાં જ નવસારી ટાઉન પોલીસમાં બાબુભાઈ નામનો 52 વર્ષીય ઇસમ નવસારીની લક્ષ્મી સિનેમા પાસે બેભાન હાલતમાં મળ્યા તેમને હોસ્પિટલમાં સારવાર માટે દાખલ કરતાં 11 દિવસની સારવાર બાદ મોત થયું હતું.

જોકે આ બાબુભાઈ નામના પ્રૌઢના વાલીવારસની શોધખોળ કરવા છતાં કોઈ સ્વજન મળી આવ્યું ન હતું. જેથી પોલીસ કર્મીઓએ મૃતકના સ્વજન બની વિરાવળ સ્મશાન ભૂમિમાં અંતિમવિધિ કરી હતી. અજાણ્યા મૃતકોની વાલી વારસથી માંડી તેમના અંતિમ સંસ્કારની જવાબદારી જે તે તપાસ કરનાર પોલીસ અધિકારીઓની હોય છે. વધુમાં જણાવી દઈએ કે, નવસારી સ્મશાનમાં આ અઠવાડિયામાં દસ જેટલા અજાણ્યા મૃત લોકોની અંતિમવિધિ પોલીસ અને રેલવે પોલીસ કરતી હોય છે.