Owner, Publisher, Editor :- Maheshbhai Prajapati RNI REG NO GUJGUJ/2016/70990 Mo. 78200 92500

દર્શનાર્થે જઈ રહેલ નવસારીનાં પરિવારને અકસ્માત નડ્યો : પત્નીનું મોત, પિતા-ઘાયલ

  • March 31, 2025 

નવસારી ખાતે રહેતા રાઠોડ પરિવાર મોપેડ લઈને પાવાગઢ ખાતે દર્શનાર્થે જઈ રહ્યો હતો ત્યારે કામરેજના નવી પારડી હાઇવે પરથી પસાર થતી વેળા કાળ બનીને ત્રાટકેલી ટૂંકે મોપેડને અડફેટે લીધી હતી. મોપેડ પર બેઠેલી પત્નીનું ઘટના સ્થળે મોત નીપજ્યું હતું. જયારે પતિ અને પુત્રનો આબાદ બચાવ થયો હતો. મળતી માહિતી મુજબ, નવસારી જિલ્લાના મોલધરા ગામે દસગાળા ખાતે રહેતા સુનીલભાઈ નાનુભાઈ રાઠોડ, પત્ની પંથીબેન અને સાડા ચાર વર્ષીય દીકરા સાથે મોપેડ પર પાવાગઢ ખાતે દર્શન કરવા માટે નીકળ્યા હતા.


તે સમયે કામરેજના નવી પારડી ગામની સીમમાં મુંબઇથી અમદાવાદ નેશનલ હાઈવે નંબર-૪૮ પર રાજ હોટલના કટ પહેલા સર્વિસ રોડ પરથી પસાર થઈ રહ્યા હતા. જે દરમિયાન પાછળથી પુરપાટ માતેલા સાંઢની જેમ આવી રહેલી ટ્રકનાં ચાલક ગફલતભરી રીતે ૧ હંકારી સુનીલભાઈની મોપેડને અડફેટે લઇ ટ્રક લઈને ફરાર થઇ ગયો હતો. આ અકસ્માતની ઘટનામાં પત્ની પંથીબેનને માથાના તેમજ શરીરના વિવિધ ભાગે ગંભીર ઇજાઓ પહોંચતા તેમનું ઘટના સ્થળે જ મોત નીપજ્યું હતું તેમજ સુનિલભાઈ અને તેમના દીકરાને ઓછી-વધતી ઇજાઓ થતાં સારવાર અર્થે નજીકની હોસ્પિટલ ખાતે ખસેડવામાં આવતાં તેમનો આબાદ બચાવ થયો હતો. આ બનાવની જાણ કામરેજ પોલીસને કરવામાં આવતા ઘટના સ્થળે દોડી આવેલી પોલીસે હાલ કસૂરવાર ટ્રક ચાલક વિરુદ્ધ ગુનો નોંધી આગળની તપાસ હાથ ધરી હતી.




લાઈક અને ફોલો કરો અમારું ફેસબુક પેજ FACEBOOK - TAPIMITRA


સબસ્ક્રાઈબ કરો યૂ ટ્યૂબ ચેનલ YOUTUBE - TAPIMITRA


મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  78200 92500  

View News On Application