નવસારીનાં જલાલપોર તાલુકાનાં મરોલી વિસ્તારમાં આવેલ શિવમ કોમોલેક્સ રેસિડેન્સીના મરોલી બજાર ખાતે બાંધકામ ચાલી રહ્યું હતું જેમાં મરોલી ખાતે રહેતા સુખભાઈ વરસીંગભાઈ ભાભોર (ઉ.વ.25) જે કડિયા કામ કરતા હતા તે સમયે અચાનક નીચે પડી ગયા હતા. સુખાભાઈ નીચે પડતા તેમને માથાના ભાગે તેમજ શરીરે ઈજા થતા સારવાર માટે નવસારીમાં આવેલ યશફીન હોસ્પિટલમાં ખસેડવામાં આવ્યો હતો. આ ઘટનાની જાણ પોલીસને કરવામાં આવતા પોલીસે વધુ તપાસ હાથ ધરી હતી.