નવસારી જિલ્લામાં 8 શાળાઓના બાળકો અને એનસીસી કેડેટ્સને હથિયારની જાણકારી આપવામા આવી જિલ્લાની શાળામાં ભણતા વિદ્યાર્થીઓ શાસ્ત્રોનું જ્ઞાન તો મેળવે છે પણ શસ્ત્રોનું જ્ઞાન આપવા માટે જિલ્લા પોલીસ અને સુરક્ષા સેતુ સોસાયટીના સહયોગથી જિલ્લાની અલગ-અલગ 8 શાળા તેમજ એનસીસીના કેડેટ્સને પોલીસ ડિપાર્ટમેન્ટના હથિયારોના ઉપયોગથી વાકેફ કરવામાં આવ્યા હતા. જેને લઈને ટાટા બોયઝ સ્કૂલ ખાતે એક પ્રદર્શન યોજાયું હતું. જેમાં ઉત્સાહભેર અને જિજ્ઞાસા સાથે હથિયારો વિશે જાણ્યું હતું. જ્યાં સુધી કોઈ વિદ્યાર્થી સિવિલ સર્વિસીસ ન જોડાય ત્યાં સુધી તેને હથિયારો વિશે ખાસ કોઇ માહિતી હોતી નથી પણ જિલ્લા પોલીસે વિદ્યાર્થીઓને હથિયારોની બનાવટ અને તેની રેન્જ અને કેવી રીતે ઉપયોગમાં લવું તેવી રસપ્રદ માહિતી આપી હતી. બાળકો શાળાના અભ્યાસક્રમ સિવાય પણ બહારની દુનિયા વિશે જાણે તથા વિવિધ ક્ષેત્રોની માહિતી મેળવે તેવા ઉદ્દેશ્યથી જિલ્લા પોલીસ અને સુરક્ષા સેતુ સોસાયટી દ્વારા એક સરાહનીય પ્રયાસ કર્યો હતો.