દક્ષિણ ગુજરાતનાં રેલવે સ્ટેશન, ચાલુ ટ્રેનમાં, ભીડનો લાભ લઈને મોબાઈલ સેરવતો આરોપી એલ.સી.બી. પોલીસે ઝડપી પાડ્યો છે. જોકે અગાઉ 19 મોબાઈલ સાથે આરોપીને L.C.B. પોલીસે ઝડપી પાડ્યો હતો, જોકે ફરીવાર આરોપી પોલીસનાં હાથે ચડતા વિજલપોર પોલીસને તપાસ સોંપવામાં આવી હતી. જયારે હાલમાં ટ્રેનમાં મોબાઈલ ચોરીની ઘટનામાં ચિંતાજનક વધારો થયો છે અને પેસેન્જર રાત્રીનાં સમયે ઊંઘમાં હોય તે દરમિયાન આ ચોર કળા કરીને ખિસ્સામાંથી મોબાઈલ સેરવી લેતો હતો. વિજલપોરનાં રામનગરમાં રહેતા રૂપેનસિંહ રાજપૂતને L.C.B. પોલીસે બાતમીનાં આધારે ધરપકડ કરીને મોબાઇલ ચોરીનાં ગુના ઉકેલયા છે.

વિજલપોરનાં રામનગરમાં રહેતો રૂપેનસિંહ હરકરણસિંહ રાજપુતની ચોરી કરવાની ટેકનિક રસપ્રદ છે. કોઈ પ્રોફેશનલની જેમ તે રાત્રિનાં 10 વાગ્યે મોબાઈલ ચોરી કરવા માટે ઘરેથી સુરત જતો હતો અને ત્યાંથી ટ્રેનમાં બેસી મોબાઈલ કરતા કરતા વાપી પહોંચી પરત નવસારી પરત ફરતો હતો. ચોરેલા ANDROID, સહિત અન્ય સાદા મોબાઇલ સસ્તા મોંઘા ભાવે રૂપેનસિંહ નવસારીમાં શ્રમજીવીઓને વેચીને મોટો નફો રળતો હતો. મોબાઈલ ચોરીને લઈને રેલવે પોલીસમાં ફરિયાદ વધતા નવસારી LCB એક્ટિવ થઈ હતી અને બાતમીનાં આધારે રૂપેણસિંહને ધરપકડ કરી કાયદેસરની કાર્યવાહી હાથ ધરવામાં આવી હતી.