નવસારીના એક હોસ્પિટલમાં સારવાર માટે આવેલ દર્દીએ પંખા સાથે ચાદર બાંધી ગળે ફાંસો ખાઈ જીવન ટુંકાવ્યું હોવાનો બનાવ પોલીસ મથકે નોંધાતા પોલીસે તપાસ હાથ ધરી હતી.

સુત્રો પાસેથી મળતી માહિતી અનુસાર, નવસારીમાં છાપરા રોડ પર આવેલા ખોડિયારનગરમાં રહેતા મેહુલ અરવિંદ કુરકુટિયાએ ટાઉન પોલીસ મથકે જાણ કરી કે તેમના પિતા અરવિંદભાઈ કુરકુટિયા (ઉ.વ. 56) ને બિમારી હોય તેઓને સારવાર માટે ગોહિલ હોસ્પિટલમાં દાખલ કરવામાં આવ્યા હતા અને ઘણા લાંબા સમયથી તેઓ બિમારીથી પીડિત હોય આખરે કંટાળી ગયા હતા જેથી તેઓ મોડી રાત્રિના 12:30થી 1:30ના સમય વચ્ચે હોસ્પિટલમાં એકલા હતા. તે દરમિયાન કોઈ અગમ્ય કારણસર અરવિંદભાઈ કુરકુટિયા સ્પેશ્યલ રૂમ નંબર-101માં સિલિંગ પંખા સાથે ચાદર વડે ફાંસો ખાઈ જીવન ટૂંકાવ્યું હતું. બનાવ અંગે ટાઉન પોલીસ ગુનો નોંધી તપાસ હાથ ધરી હતી.