વિજલપોર વિસ્તારમાં રહેતા પ્રેમીએ પ્રેમિકાના અન્ય યુવક સાથે લગ્ન થઈ જતા અને પ્રેમમાં અસફળતા મળતા ગળે ફાંસો ખાઈ આપઘાત કરી લીધો હતો.

વિજલપોર પોલીસ પાસેથી મળતી માહિતી અનુસાર વિજલપોર વિસ્તારમાં રામનગર ખાતે રહેતો 22 વર્ષીય યુવક મનીષ મધુકર બાવીષ્કરને એક યુવતી સાથે પ્રેમ-સંબંધ હતો. પરંતુ પ્રેમિકાના અન્ય યુવક સાથે લગ્ન થઈ જતા મનીષને ખુબ આઘાત લાગ્યો હતો અને ત્યારથી મનીષ માનસિક તાણમાં પણ રહેવા લાગ્યો હતો અને આઘાતમાં સરી પડેલ મનીષે અંતે પોતાના ઘરમાં લાકડા સાથે કાપડનો ટુકડો બાંધી ગળે ફાંસો ખાઈ લીધો હતો. ત્યારબાદ પરિવારજનો મનીષને ગળે  ફાંસો ખાધેલી હાલતમાં જોઈ ઘટનાની જાણ સ્થાનિક પોલીસને કરતા તુરંત પોલીસ ઘટના સ્થળ પર પહોંચી જરૂરી કાર્યવાહી હાથ ધરી હતી.