નવસારી પાસેનાં નેશનલ હાઇવે ઉપરનાં એધલ ગામના ગેટ સામે સુરત તરફ જતા ટ્રેક ઉપર એલસીબી પોલીસ સ્ટાફનાં માણસોને મળેલ બાતમીનાં આધારે આઇસર ટેમ્પોમાં ચોરખાનું બનાવીને કાંદાની આડમાં વહન થતો દારૂ ઝડપી પાડ્યો હતો.

આમ, પોલીસે કુલ રૂપિયા 8,14,800/-ના દારૂ સાથે ચાલક સુનિલ મહેશભાઈ ચંદ્રવંશીની ધરપકડ કરી વધુ કાર્યવાહી ગણદેવી પોલીસને સોંપી હતી. જોકે દારૂનો મુદ્દામાલ ભરાવી આપનારા રાજુભાઈ મારવાડીને વોન્ટેડ જાહેર કરવામાં આવ્યો હતો અને સાથે જ અન્ય એક આરોપી મુકેશ કહાની પણ વોન્ટેડ કરવામાં આવ્યો હતો.