નવસારી શહેરનાં શાંતાદેવી રોડ વિસ્તારમાં આવેલા એપાર્ટમેન્ટના પાર્કીંગ માંથી એક મોપેડની ચોરી થઈ હતી. તેમજ સ્ટેશન રોડ વિસ્તારમાં આવેલ એક હોસ્પિટલનાં કવાટર્સ માંથી મોબઈલ તથા રોકડ રકમની ઘરમાંથી ચોરી થઈ હતી. જે બંને બનાવો અંગે ફરિયાદ થતા ટાઉન પોલીસની સર્વેલન્સ સકોર્ડ સતર્ક બની તપાસ કરી રહી હતી.

તે દરમિયાન પોલીસ ટીમને મળેલ બાતમી ને આધારે, કાયદાના સંઘર્ષમાં આવેલ બાળક કે જે વારંવાર નાની-મોટી ચોરી કરવાની ટેવ ધરાવે છે તેમજ બાળક આ બંને ચોરીઓ કરી છે. જે બાતમીના આધારે પોલીસે શહેરનાં રીંગ-રોડ ઉપર રૂસ્તમવાડી નજીક વોચમાં હતી કે, તે દરમિયાન બાતમીના વર્ણન મુજબનો કાયદાના સંઘર્ષમાં આવેલ બાળક મળી આવતા પોલીસે તેને તાબામાં લીધો હતો તથા તેની પૂછપરચ કરતા તેની પાસેથી ચોરી ગયેલ મોપેડની કીંમત રૂપિયા 25 હજાર તથા રોકડા રૂપિયા 5730/- મળી આવ્યા હતા. જેને લઈ પોલીસે કુલ રૂપિયા 3૦,730/-નો મુદ્દમાલ જપ્ત કરી આગળની કાર્યવાહી હાથ ધરી હતી.