નવસારી નજીકથી પસાર થતા નેશનલ હાઈવે નંબર-૪૮ પર આવેલ નાની-ચોવીસી ગામના યુવાને નજીકના ખેતરમાં જઈ આપઘાત કરી લીધો હતો.

નવસારી ગ્રામ્ય પોલીસમાંથી મળતી માહિતી મુજબ નાની-ચોવીસી ગામના હળપતિ નિવાસ ખાતે રહેતો ૨૩ વર્ષીય યુવાન સુનીલ ભરતભાઈ હળપતિએ તેના ઘરની નજીક આવેલ એક ખેતરમાં જઈ લીમડાના ઝાડ પર દુપટ્ટા બાંધી ગળે ફાંસો ખાઈ આપઘાત કરી લીધો હતો અને તેની લટકતી લાશ જોઈ આસપાસના લોકોએ નવસારી ગ્રામ્ય પોલીસને જાણ કરતા પોલીસ સ્થળ પર પહોચી લાશનો કબ્જો લઈ પીએમ માટે મોકલી આપી હતી તથા આ બનાવ અંગે અકસ્માત મોતની નોંધ લઈ વધુ તપાસ હાથ ધરી હતી.