નવસારી વિસ્તારમાં રહેતી અને ઘરે સાડી ઉપર ટીકી ચોટાડવાનું કામ કરતી સગીરા અનીષા (નામ બદલ્યું છે) ને તેના ઘર નજીક રહેતા યુવક સાથે અફેર હતું.

આ વાતની જાણ સગીરાનાં માં-બાપને થતા તેઓએ પુત્રીને આ સંબંધથી દુર રહેવા જણાવીને ઠપકો આપ્યો હતો. જેને લઈને સગીરાને માઠું લાગી આવતા ઘરમાં પડેલું ફિનાઈલ પી લીધું હતું. જેની જાણ કાકાને થતા સગીરાને તાત્કાલિક નવસારી સિવિલ હોસ્પિટલ ખાતે લઈ ગયા હતા. જ્યાં હાજર ડોકટરે તેની સારવાર કરી, ત્યારબાદ સગીરાની હાલતમાં સુધારો થયો હતો. સગીરા સારવાર હેઠળ હોય આ બનાવની નોંધ લઈને જલાલપોર પોલીસ સ્ટેશનના હેડ કોન્સ્ટેબલ સંદીપભાઈ ગુનો નોંધી આગળની તપાસ હાથ ધરી હતી.(ફાઈલ ફોટો)