ધી ચીખલી એજ્યુકેશન સોસાયટી સંચાલિત દા.એ.ઇટાલિયા સાર્વજનિક હાઈસ્કૂલમાં ઉચ્ચતર માધ્યમિક વિભાગના મદદનીશ શિક્ષક અને કાર્યકારી સુપરવાઇઝર મહેશભાઈ ગુલાબભાઈ પટેલ વય મર્યાદાના કારણે નિવૃત થતા તેમનો વિદાય સમારોહ સંસ્થાના ચેરમેન ચેતનભાઈ દેસાઈ, મહામંત્રી નીલકંઠભાઈ દેસાઈ, કારોબારી સભ્યો તેમજ શાળા પરિવારની ઉપસ્થિતિમાં યોજવામાં આવ્યો હતો. શાળા પરિવાર તરફથી તેમને સ્મૃતિ ભેટ, શાલ અને પુષ્પગુચ્છ આપી સન્માન કરવામાં આવ્યું હતું અને તંદુરસ્તીમય, દીધાર્યુમય નિવૃત જીવન માટે શુભેચ્છા પાઠવી હતી. મહેશભાઈ તરફથી શાળાને આધુનિક પ્રિન્ટર આપવામાં આવ્યું હતું. જેનો સ્વીકાર કરી શાળાના આચાર્ય ઉર્વીબેન દેસાઇએ શાળા પરિવાર વતી આભાર વ્યક્ત કર્યો હતો.