નવસારી સિવિલ હોસ્પિટલમાં ફાર્માસિસ્ટ તરીકે ફરજ બજાવતા અજુર્ન કાળુભાઇ માહલા (રહે. ભૂતસાડ) એ ફરિયાદ નોંધાવી હતી કે, કોરોના મહામારીને કારણે છેલ્લા દોઢ વર્ષથી નર્સિંગ સ્કૂલ બિલ્ડીંગમાં સિવિલ હોસ્પિટલમાં ઇમરજન્સી વિભાગ બનાવવામાં આવ્યો હતો અને તે સમયે કોપરની પાઇપલાઇન લગાડવામાં આવી હતી. જોકે, કોરોનાના કેસ ઘટી જતાં નર્સિંગ સ્કૂલમાંથી પુનઃ સિવિલ હોસ્પિટલમાં ઇમરજન્સી વોર્ડ ખસેડવામાં આવ્યો હતો. આ સ્કૂલ ચાલુ હોય બિલ્ડીંગને તાળું મારવામાં આવ્યું ન હતું જેથી 25 મીટર કોપરના પાઇપલાઈન, એક મીટરની કિંમત 1150 પ્રમાણે રૂપિયા 28750, મેની ફોલ્ડન કોપર ટેઇલ પાઇપ 7 નંગ કિંમત રૂપિયા 28 હજાર અને 6 નંગ ઓક્સિજન આઉટલેટ કિંમત રૂપિયા 90 હજાર આમ કુલ મળી રૂપિયા 1.46 લાખની ચોરીની ફરિયાદ નોંધાતા પોલીસે તપાસ હાથ ધરી હતી.