નવસારી જિલ્લાના પોલીસ અધિક્ષકની સુચના અને માર્ગદર્શન હેઠળ નવસારી ટાઉન વિસ્તારમાં ચોરીના ગુનાઓ બનતા અટકાવવા ડીસ્ટાફને સૂચના આપી હતી. તે દરમિયાન પોલીસને મળેલ બાતમીના આધારે, બે યુવકો જામનગરથી ચોરીની બાઈક લઈને નવસારી શહેરમાં ચોરીની ઘટનાને અંજામ આપવા માટે આવ્યા હોય પોલીસે નંબર વગરની બાઈક સાથે અબુતરાબહુસેન ઝાર્કીરહુસેન પેરોલી સૈયદ અને અબુલહસન મહંમદ મોહસીન આગાખાન (બંને રહે.સેંધવા ઇરાની કોલોની,એમ.પી) ના ઓની અટક કર્યા બાદ પોલીસે બંને આરોપીઓની પૂછપરછ હાથ ધરતા જાણવા મળ્યું હતું કે, આ બાઈક જામનગરથી ચોરી કરી નવસારીમાં ચોરી કરવાના ઈરાદે આવેલ હોવાનુ પોલીસને જણાવ્યું હતું. બનાવ અંગે વધુ તપાસ ટાઉન પોલીસ કરી રહી હતી.