નવસારીના ખેરગામના વેણ ફળીયામાં બે ગાળાના કાચા મકાનના એક ભાગના પતરાં અને દીવાલ સાથે તૂટી પડતા પરિવારમાં દોડધામ મચી ગઇ હતી. જોકે, સદનસીબે ઘટનામાં કોઈને ઇજા કે જાનહાની થઈ ન હતી ત્યારબાદ પંચાયતે કરેલા નુક્સાનીના સર્વેમાં 20 હજારથી વધુનું નુકસાન થયું હોવાનો અંદાજો છે. બનાવની વિગત એવી છે કે, ખેરગામના વેણ ફળીયામાં કાંતિલાલ પત્યાભાઈ પટેલ જે બે ગાળાના કાચા મકાનમાં પરિવાર સાથે રહે છે જયારે ગતરોજ સાંજે 4 વાગ્યાના અરસામાં પરિવાર આંગણે બેઠા હતા. તે સમયે મકાનની એકબાજુનો ભાગ પતરાં અને દીવાલ સાથે તૂટી પડતા ભારે દોડધામ મચી ગઇ હતી. જોકે સદનસીબે આ ઘટના સમયે ઘરમાં કોઈ જ ન હતું જેથી કોઈ પણ પ્રકારની જાનહાની થઈ ન હતી. ત્યારબાદ આ ઘટનાની જાણ પંચાયતમાં થતા સરપંચ સહિતની ટીમ ઘટના સ્થળે પહોંચ્યા હતા. જ્યાં તેમણે થયેલ નુક્સાનીનો સર્વે કર્યો હતો અને જેમાં 16 પતરાં, દીવાલ, ડંડા સહિત આશરે 20 હજાર રૂપિયાનું નુકસાન થયું હોવાનું જણાવ્યું હતું.