ચીખલી તાલુકાનાં રાનકુવા ગામે રસ્તો ક્રોસ કરી રહેલ બાલુભાઈ હળપતિની બે પત્ની, જે બંને સાથે એક જ પરિવવારમાં રહેતી હોય રાત્રીના સમયે  બાલુભાઈની બંને પત્ની ભાનુબેન બાલુભાઈ હળપતિ તેમજ મંજુબેન બાલુભાઈ હળપતિ રાનકુવા હાઈસ્કૂલથી પટેલ વાડી તરફ ચાલતા જતા હતા.

તે સમય દરમિયાન રાનકુવા પટેલ વાડી પાસે રાનકુવાથી ચીખલી તરફ જઈ રહેલી એક KTM મોટર સાયકલ નંબર જીજે/05/એમજે/3001નાં ચાલકે પોતાના કબ્જાની બાઈક પુરઝડપે અને ગફલતભરી રીતે હંકારી લાવી રોડ ક્રોસ કરી રહેલી ભાનુબેન તથા મંજુબેનને ટક્કર મારતા ભાનુબેન હળપતિનું ઘટના સ્થળેજ મોત નીપજ્યું હતું. જ્યારે ઇજાગ્રસ્ત મંજુબેન હળપતિને સારવાર અર્થે ચીખલીના આલીપોર હોસ્પિટલ જ્યારે વધુ સારવાર અર્થે સિવિલ હોસ્પિટલમાં ખસેડાયા હતા. આ અકસ્માત કરી બાઈક ચાલક સ્થળ ઉપરથી ફરાર થઈ ગયો હતો. આ બનાવ અંગે પોલીસે ગુનો નોંધી વધુ તપાસ હાથ ધરી હતી.