ચીખલી તાલુકાના ગામેગામ શારદા ફાઉન્ડેશનના સુવર્ણા સંજીવની રથને વ્યાપક આવકાર સાથે ટૂંકા સમયમાં એક હજારથી વધુ દર્દીઓનું નિદાન સારવાર કરાઇ છે. ચીખલીની સેવાભાવી સંસ્થા શારદા ફાઉન્ડેશન દ્વારા સ્પંદન હોસ્પિટલના અને દાતાઓના સહયોગથી હરતું-ફરતું દવાખાનું સુવર્ણા સંજીવની રથનું પ્રસ્થાન ભાજપના પ્રદેશ અધ્યક્ષ સી.આર.પાટીલના હસ્તે શારદા ફાઉન્ડેશનના સ્થાપક દર્શનભાઇ દેસાઈ સહિતનાની ઉપસ્થિતિમાં કરાયું હતું. ત્યારબાદ આ રથ ડોકટર તેમજ નર્સ સહિતના સ્ટાફ સાથે જઈ ગામેગામ દર્દીઓને વિનામૂલ્યે તપાસી સારવાર પૂરી પાડવામાં આવી રહી છે.