વન વિભાગ પાસેથી મળતી માહિતી અનુસાર, નવસારી જિલ્લાના ચીખલી તાલુકાના પીપલગભણ ગામે ખરેરા નદી કિનારે એક દીપડી મૃત હાલતમાં મળી આવતા આ અંગેની જાણ પીપલગભણ ગામના સરપંચ નિકુંજભાઈ પટેલ દ્વારા ચીખલી વન વિભાગને કરતા આરએફઓ સહિત સ્ટાફે સ્થળ ઉપર ઉપર આવી પહોચી એક-બે વર્ષીય દીપડી મળી આવતા વન વિભાગે દીપડીનો કબ્જો લઈ વેટરનરી ડોકટર પાસે પીએમ કરાવી વધુ તપાસ હાથ ધરી છે. જોકે દીપડીના મોત અંગેનું ચોક્કસ કારણ પીએમ રિપોર્ટ આવ્યા બાદ જ જાણી શકાશે. તાલુકામાં ચાર દિવસમાં બે જેટલી દીપડીના મોત નિપજ્યા છે. ત્યારે વધુ વરસાદને પગલે ન્યુમોનિયાથી દીપડીના મોત થયા હોવાનું અનુમાન વન વિભાગ કરી રહ્યું છે.