ચીખલી તાલુકાના ગોડથલ ગામના માળી ફળિયામાં રહેતા નિલેશ રાયસિંગભાઈ પટેલના મરઘા ફાર્મમાં ગતરોજ સવારના 8 થી 9.30 વાગ્યા દરમિયાન દીપડાએ 40 થી 50 જેટલા દેશી મરઘાનું મારણ કરતા સ્થાનિકોમાં ફફડાટ વ્યાપી ગયો હતો. જોકે, એકસાથે 40 થી 50 જેટલા મરઘાનું મારણ કરતા દીપડાને પકડવાની માંગ ઉઠી છે. ખેતરના માલિક નિલેશ રાયસિંગભાઈ પટેલે ચીખલી વન વિભાગમાં લેખિત અરજી કરી દીપડાને પકડવા પાંજરું ગોઠવવા માંગ કરી હતી જેથી વન વિભાગ દ્વારા દીપડો પાંજરે પુરાય તે માટે પાંજરું ગોઠવવામાં આવ્યું છે.