નવસારીનાં ચીખલી તાલુકાનાં દેગામ જય અંબે યુવક મંડળ દ્વારા દેગામ ખડકીયા ફળિયા ખાતે બ્લડ ડોનેટ કેમ્પનું આયોજન લાયન્સ કલબ બીલીમોરા ચેરીટેબલ ફાઉન્ડેશન એન.એમ.પી.ના સહકારથી કરવામાં આવ્યું હતું. જેમાં પુરુષોએ ઉત્સાહ દાખવતા 27 યુનિટ જેટલું રક્ત એકત્ર કર્યું હતું અને સાથે સાથે કોરોના કાળના કપરા સમયમાં ગામ લોકોની સાથે રહીને સેવા આપતા આશા વર્કરનું દેગામ ગામના મહિલા સરપંચ તેમજ ડેપ્યુટી સરપંચ અને મંડળના આયોજકો દ્વારા પુષ્પગુચ્છ આપી સન્માનિત કર્યા હતા તેમજ દેગામ ગામે આવેલ માં અંબા માતાજીના મંદિર ખાતે હવન પણ કરવામાં આવ્યો હતો.