નવસારીનાં ચીખલી તાલુકાનાં પીપલગભાણ પાસે નહેરમાં ટ્રેક્ટર પલટી મારતા આમધરા ગામના વૃદ્ધ ચાલકનું મોત નીપજ્યું હતું. સુત્રો પાસેથી મળતી માહિતી અનુસાર, આમધરા ગામના સામર ફળિયાના અરવિંદભાઈ નગીનભાઈ પટેલ (ઉ.વ.60) તેમના ખેતરમાં ખેડવા માટે ટ્રેકટર નંબર જીજે/16/સીએચ/2569 લઈને નીકળ્યાં હતા. તે સમય દરમિયાન પીપલગભણ ભરવાડ ફળિયાથી બોમ્બે ફળિયા તરફ જતા રોડ પર આકસ્મિક રીતે નહેરમાં ટ્રેકટર પલટી મારી જતા ટ્રેકટર નીચે દબાઈ જતા વૃદ્ધને 108ની મદદથી રેફરલ હોસ્પિટલમાં ખસેડાતા તબીબે વૃદ્ધને મૃત જાહેર કર્યાં હતા. બનાવ અંગે શૈલેષભાઈ પટેલે ફરિયાદ આપતા પોલીસે ગુનો નોંધી કાર્યવાહી હાથ ધરી હતી.