ચીખલી પોલીસ સ્ટાફના માણસો પેટ્રોલીંગમાં નીકળ્યા હતા. તે દરમિયાન મળેલ બાતમીના આધારે, સોલધરા ગામના વંકાલિયા ફળીયામાં રહેતા વિરલ ઉર્ફે વિરુ મોહનભાઇ પટેલના ઘરે રેઈડ કરતા ઘરની અંદરથી વિદેશી દારૂની તેમજ ટીન બિયરની નાની-મોટી બોટલ નંગ-299 બોટલો મળી આવી હતી જેની કીંમત રૂપિયા 31,750/- હતી. ત્યારબાદ પોલીસે દારૂની પાસ પરમીટ માંગતા શખ્સે કોઇપણ પ્રકારની પાસ પરમીટે ન આપતા પોલીસે દારૂનો મુદ્દામાલ કબ્જે કરી વિરલ ઉર્ફે વિરુ પટેલ સામે ગુનો નોંધી કાયદેસરની કાર્યવાહી હાથ ધરી હતી.