ચીખલી પોલીસે બે અલગ-અલગ જગ્યાએથી રૂપિયા 87,690/-ના દારૂના જથ્થા સાથે એક ઈસમને ઝડપી પડ્યો હતો જ્યારે એકને વોન્ટેડ જાહેર કરી વધુ તપાસ હાથ ધરી હતી.

સુત્રો પાસેથી મળતી માહિતી અનુસાર, ચીખલી પોલીસને મળેલ બાતમીના આધારે ચીખલી તાલુકાના આમધરા નવાનગર ખાતે રહેતા, વિજય ભીખુભાઇ હળપતિના ઘરે રેડ કરતા ઘરની અંદરના ભાગેથી વિદેશી દારૂની નાની-મોટી 83 બોટલ મળી આવી હતી જેની કીંમત રૂપિયા 36,340/- મળી આવતા જે અંગે પાસ પરમીટ માંગતા ન હોવાનું જણાવતા વિજય હળપતિની ધરપકડ કરી હતી. જ્યારે બીજા બનાવમાં પીપલગભણ ગામના ખૂટી આંબા ફળીયા ખાતે રહેતા લાલુ ઉર્ફે શૈલેષ ખંડુભાઈ પટેલના રહેણાંક મકાનની બહાર એક જૂની પિયાગો રીક્ષા નંબર જીજે/21/ટી320માં પાછળના ભાગે સંતાડેલ વિદેશી દારૂની નાની-મોટી 777 બોટલ મળી આવી જેની કિંમત રૂપિયા 51,350/- હતી અને પિયાગો રીક્ષા આમ પોલીસે મુદ્દામાલ જપ્ત કરી લાલુ ઉર્ફે શૈલેષ પટેલને વોન્ટેડ જાહેર કરી આગળની કાયદેસરની કાર્યવાહી હાથ ધરી હતી.