નવસારી એલસીબીએ ચીખલીના ચાસા ગામેથી એક ટેમ્પા માંથી રૂપિયા 2.19 લાખના દારૂ સાથે એક ઈસમ ઝડપાતા પોલીસે કાયદેસરની કાર્યવાહી હાથ ધરી હતી.

સુત્રો પાસેથી મળતી માહિતી મુજબ, એલસીબી પોલીસ સ્ટાફના માણસો ચીખલીના ચાસા ગામે પેટ્રોલીંગમાં હતા. તે દરમિયાન એક ટેમ્પો નંબર જીજે/15/યુયુ/7340 આવ્યો હતો જેમાં ભંગારનો માલસામાન હતો પરંતુ પોલીસે ટેમ્પોની અંદર તપાસ કરતા ટેમ્પા માંથી ભંગારની સાથે દારૂની કુલ 1368 બાટલીઓ પણ મળી આવી હતી જેની કિંમત રૂપિયા 2.19 લાખ હતી. ત્યારબાદ પોલીસે ચાલક રાજુ કુશવાહાની ધરપકડ કરી વધુ પૂછપરચ કરતા જાણવા મળ્યું હતું કે, આ દારૂ સુરત કામરેજના કિશોરભાઈ નામના યુવકે ભરી આપ્યો હતો.