ચીખલી તાલુકાના રાનકુવા ગામેથી ચાર વર્ષીય દીપડો મૃત હાલતમાં મળી આવતા વન વિભાગે વધુ તપાસ હાથ ધરી છે. જોકે, વન વિભાગ પાસેથી મળતી માહિતી અનુસાર, ચીખલીનાં રાનકુવા ગામે ખેડૂત તુષારભાઈ અશોકભાઈ પટેલના ખેતરમાં એક દીપડો મૃત હાલતમાં મળી આવ્યો હતો જે અંગેની જાણ ચીખલી વન વિભાગને કરતા આરએફઓ સહિતના સ્ટાફે સ્થળ પર જઇ જોતા એક ચાર વર્ષીય દીપડો (નર) મળી આવતા વન વિભાગે દીપડીનો કબ્જો લઈ વેટરનરી ડોકટર પાસે પીએમ કરાવી વિસેરા સુરત ખાતે મોકલી આપવામાં આવ્યા હતા. દીપડાના મોત અંગેનું ચોક્કસ કારણ પીએમ રિપોર્ટ આવ્યા બાદ જ જાણી શકાશે. વન વિભાગે મૃત દીપડાનો સાદકપોર નર્સરીમાં અગ્નિસંસ્કાર કરી વધુ તપાસ હાથ ધરી હતી.