નવસારીનાં ગણદેવીના ખારેલ પાસેથી પસાર થતા નેશનલ હાઈવે નંબર-8 પર એક સીએનજી કારમાં આગ ફાટી નીકળતા અફરાતફરીનો માહોલ સર્જાયો હતો જોકે સદનસીબે આગ લાગ્યા સમયે કારમાં કોઈ વ્યકિત સવાર ના હોવાથી જાનહાનિ થતા અટકી હતી. ગણદેવીના ખારેલ પાસેથી પસાર થતા નેશનલ હાઈવે પર કારમાં એકાએક આગ લાગતા કારમાં સવાર લોકો તાત્કાલિક બહાર આવતાં તેમનો આબાદ બચાવ થયો હતો. સુરતથી મુંબઇ રોડ પર જઈ રહેલી વરના કારમાં એકાએક બોનેટ પાસેથી શરૂ થયેલી આગ પાછળ વધી હતી. જેથી તેમાં સવાર મુસાફરો તરત બહાર આવ્યા હતા. જ્યારે આજુબાજુમાં પસાર થયેલી કાર ચાલકોમાં પણ અફરાતફરીનો માહોલ જોવા મળ્યો હતો.