ચીખલી તાલુકાનાં કાકડવેલ ગામમાંથી ગંજીપાનાનો જુગાર રમી રહેલ એક મહિલા સહિત 6 ઈસમો જેટલાની ધરપકડ કરી 3 મોટર સાયકલ મળી કુલ રૂપિયા 47,300/-નો મુદ્દામાલ કબ્જે કરી વધુ તપાસ હાથ ધરી હતી.

 

 

 

 

સૂત્રો પાસેથી મળતી માહિતી અનુસાર, ચીખલી પોલીસને મળેલ બાતમીના આધારે કાકડવેલ ગામના વડ ફળીયામાં, ગમનભાઈ માધુભાઈ પટેલના ઘરના આગળના ભાગે લાઈટના અજવાળામાં ગોળ કુંડાળું કરી હારજીતનો ગંજીપાનાનો જુગાર રમતા સવિતાબેન ગમનભાઈ પટેલ, ગમનભાઈ માધુભાઈ પટેલ, બિપિન નગીનભાઈ ઢોડિયા પટેલ અને હાર્દિક નિલેશભાઈ ઢોડિયા પટેલ, અરવિંદ નગીનભાઈ પટેલ તથા ઉમેશ ઢોડિયા પટેલના ઓને રંગે હાથ ઝડપી પાડ્યા હતા.

 

 

 

 

જ્યારે પોલીસની રેડ જોઈ નાસી જનાર અજય ભગુભાઈ ઢોડિયા પટેલ (રહે.કાકડવેલ વડ ફળીયા,તા.ચીખલી) અને જીતેન્દ્ર મોહનભાઇ ઢોડિયા પટેલ (રહે.સારવણી,તા.ચીખલી) આમ બંનેને પોલીસે વોન્ટેડ જાહેર કર્યા હતા. ત્યારબાદ ઝડપાયેલા 6 જેટલાની અંગઝડતીમાં રોકડા રૂપિયા 5600/-, દાવ ઉપરના રૂપિયા 1200/-, 1 નંગ મોબાઈલ અને 3 જેટલી મોટર સાયકલ આમ કુલ મળી રૂપિયા 47,300/-નો મુદ્દામાલ કબ્જે કરી આગળની કાર્યવાહી હાથ ધરી હતી.