૭ માં વિશ્વ યોગ દિવસની નવસારી કલેક્ટર કચેરી, વિડીયો કોન્ફરન્સ હોલ ખાતે જિલ્લામાં યોગના ક્ષેત્રે ઉત્તમ કામગીરી કરનારા ૧૦ યોગ કોચ અને ૧૦ ટ્રેનર્સને મળી કુલ-૨૦ યોગ સાધકોને નવસારીના ધારાસભ્ય પિયુષભાઇ દેસાઇ, કલેકટર શ્રીમતી આર્દ્રા અગ્રવાલના હસ્તે પ્રમાણપત્ર આપી સન્માનીત કરવામાં આવ્યાં હતાં. આ અવસરે ધારાસભ્ય પિયુષભાઇ દેસાઇએ જણાવ્યું હતું કે, તન-મનની તંદુરસ્તી માટે યોગ મહત્વપૂર્ણ છે. કોરોના કાળમાં શ્વાસોશ્વાસ માટે યોગ કેટલાં મહત્વપૂર્ણ છે તેની મહત્તા લોકોને સમજાઇ છે. યોગને દૈનિક જીવનમાં સામેલ કરી જીવનને સર્વોત્તમ બનાવવા ખૂબ જ જરૂરી છે.

આ પ્રસંગે અધિક કલેકટર કે.જે.રાઠોડ, જિલ્લા યુવા વિકાસ અધિકારી પટોળીયા, જિલ્લા રમતગમત અધિકારી વળવી, પ્રાંત યુવા વિકાસ અધિકારી તથા યોગકોચઓ/યોગ ટ્રેનરઓ ઉપસ્થિત રહયા હતાં