નવસારી એલસીબી પોલીસે બોરીયાચ ટોલનાકા પાસેથી મુંબઇથી અમદાવાદ જતા રોડ ઉપર ટોયોટા ઇટિયોસ કારમાંથી પૂંઠાના બોક્સમાં ભારતીય બનાવટની વિદેશી દારૂ વિસ્કીની અને બિયર ટીન મળી કુલ 915 નંગ બોટલો મળી આવી હતી જેની કિંમત 1 લાખ હતી. જોકે પોલીસે દારૂ સાથે મુંબઈના કાંચન ગણપત વારોસે અને આશુતોષ શર્માને ઝડપી પાડી તેઓની પુછપરચ કરતાં જાણવા મળ્યું હતું કે, આ મુદ્દામાલ પ્રહલાદસિંહ નામના ઇસમે ભરાવીને સુરતના કામરેજ કડોદરાની વચ્ચે ભારતબેઝ નામની કંપની પાસે રોડ પર ભાવેશ સુતરિયા નામના ઈસમને પહોંચાડવાનો હતો. આમ પોલીસે કાર, મોબાઈલ અને દારૂ મળી કુલ રૂપિયા 5 લાખ 13 હજારનો મુદ્દામાલ કબ્જે કરી કાયદેસરની કાર્યવાહી હાથ ધરી હતી.