ગણદેવી તાલુકાના ધોલાઇ મરીન પોલીસ સ્ટાફના માણસોને મળેલ બાતમીના આધારે, ધોલાઈ ગામે દરિયાઈ માર્ગે જુની જેટી પાસે દારૂની હેરફેર થવાની છે. જે બાતમીના આધારે પોલીસ ખાનગી બોટમાં વોચમાં હતા. તે દરમિયાન 2 ઈસમો દારૂની હેરફેર કરતા હોય જે બુટલેગરોના કોટિયા પર રેડ કરી અક્ષયભાઇ અમ્રતભાઇ ટંડેલ અને ભાવેશભાઇ રામજીભાઇ ટંડેલ (બંને રહે.ધોલાઇ, હનુમાન ફળિયા)ના ઓની અટક કરી હતી. જ્યારે પોલીસ રેડ જોઈ નાસી ગયેલા 2 બુટલેગરોને કિરણભાઇ જયંતીભાઇ ટંડેલ અને ધર્મેશભાઇ રામજીભાઇ ટંડેલ (બંને રહે.ધોલાઇ, હનુમાન ફળિયા)ના ઓને વોન્ટેડ જાહેર કર્યા હતા. આમ, પોલીસે ભારતીય બનાવટનો ઇંગ્લીશ દારૂ ટીન બીયરનો તથા નાની મોટી વ્હીસ્કીની કુલ 576 બોટલો જેની કિંમત રૂપિયા 71,520/- તથા એક નાની બોટ (કોટીયુ) જેની કીંમત રૂપિયા 85,000/- તથા 1 નંગ મોબાઈલ મળી કુલ રૂપિયા 1,70,520/-નો મુદ્દામાલ કબ્જે કરી બે ઈસમોને ઝડપી પાડી તેમજ બીજા બે બુટલેગરોને વોન્ટેડ જાહેર કરી ગુનો નોંધી કાયદેસરની કાર્યવાહી હાથ ધરી હતી.