ચીખલી તાલુકાનાં આલીપોર ગામેથી પોલીસે જ્વલંતશીલ કેમિકલ, બાયોડિઝલ સહિતનો ગેરકાયદેસર જથ્થા સાથે એક ઈસમને ઝડપી પાડી રૂપિયા 73,625/-નો મુદ્દામાલ કબ્જે કરી વધુ તપાસ હાથ ધરી હતી.

સુત્રો પાસેથી મળતી માહિતી અનુસાર, આલીપોર નેશનલ હાઈવે નંબર-48 પર કાઠિયાવાડી હોટલની બાજુમાં ખુલ્લી જગ્યામાંથી એકબીજાની મદદગારીથી પાસ પરમીટ વગર ફાયર સેફટીના સાધનો વિના પ્લાસ્ટિકના કેરબામાં રાખેલ જ્વલનશીલ કેમિકલ અને બાયોડિઝલ મળી કુલ 315 લિટરનો જથ્થો પોલીસે ઝડપી પાડી ડિસ્પેન્સરી મશીન સહિત કુલ રૂપિયા 73,625/-નો મુદ્દમાલ કબ્જે કરી મૃત્યુનજયદાસ શંભુનાથદાસ (હાલ રહે.કાઠિયાવાડી હોટલની બાજુમાં આલીપોર, તા.ચીખલી)ને  ઝડપી પાડી જયારે સાહિ દુલ્લાખાનને વોન્ટેડ જાહેર કરી પોલીસે વધુ તપાસ હાથ ધરી હતી.