નવાપુર તાલુકાના ભોડઆમલા ગામમાં રહેતો સાગર હરીશ ગાવીત(ઉ.વ.22) સવારે પોતાની બાઈક નંબર જીજે/26/એલ/4841 ઉપર સવાર થઈ પુરઝડપે અને ગફલતભરી રીતે હંકારી વીસરવાડી ગામે અભ્યાસ માટે જઈ રહ્યો હતો.

તે દરમિયાન ચીંચપાડા ગામ નજીક પહોંચતા ટ્રકને ઓવરટેક કરવાના ચક્કરમાં ઓરંગાબાદથી સુરત તરફ જઈ રહેલી ટાવેરા કાર નંબર એમએચ/04/ઈએસ/7205 સાથે અથડાઈ ગયો હતો. આ અકસ્માતની જાણ ચીંચપાડા આઉટ પોલીસને થતા જમાદાર વાઘ પોલીસ કર્મચારી સાથે ઘટના સ્થળે આવી પહોંચ્યા હતા. જે બાદ સ્થાનિક લોકોના મદદથી ઈજાગ્રસ્ત યુવાનને તાત્કાલિક 108ની મારફતે વીસરવાડીની ગ્રામીણ હોસ્પિટલમાં ખસેડવામાં આવ્યો હતો.