કેવડિયામાં સ્ટેચ્યુ ઓફ યુનિટી જોવા માટે આવતાં પ્રવાસીઓ ઝરવાણી પણ જતાં હોય છે. પણ હાલમાં ગોરાથી ઝરવાણી સુધીનાં માર્ગનું નવીનીકરણ કરવાનું હોવાથી તેને એક મહિના માટે વાહન વ્યવહાર માટે બંધ કરાયો છે. આગામી તારીખ 30મી જુલાઇ સુધી દ્વિચક્રીય સહિતનાં તમામ વાહનોની અવરજવર પર પ્રતિબંધ મૂકી દેવામાં આવ્યો છે. આ જાહેરનામાનો ભંગ કરનાર વ્યક્તિ ભારતીય દંડ સંહિતાની કલમ 188 મુજબ શિક્ષાને પાત્ર થશે. આ જાહેરનામાનો ભંગ કરનાર આ ઈસમો વિરૂદ્ધ ફરિયાદ દાખલ કરવા માટે નર્મદા જિલ્લામાં ફરજ બજાવતા નાયબ પોલીસ અધિક્ષકથી પોલીસ સબ ઈન્સ્પેક્ટર સુધીનો હોદ્દો ધરાવનાર પોલીસ અધિકારીઓને અધિકૃત કરવામાં આવ્યા છે.