ઉપરવાસમાં ભારે વરસાદ વરસી રહયો છે ત્યારે આ પાણી હવે સરદાર સરોવરમાં આવી રહયું છે. સરદાર સરોવરમાં હાલ 36,792 હજાર કયુસેક પાણી આવી રહ્યું છે. ઉપરવાસમાંથી પાણીનો આવરો વધી જતાં ડેમની સપાટી દર કલાકે બેથી ત્રણ સેમીનો વધારો થઇ રહ્યો છે. જોકે ગતરોજ સરદાર સરોવર ડેમની સપાટી 126 મીટર નોંધાઇ હતી. નર્મદા ડેમ ખાતે 121.92 મીટરની સપાટી બાદ ગેટ લગાવવામાં આવ્યાં છે. ગેટ લાગી ગયા બાદ નર્મદા ડેમની મહત્તમ સપાટી 138.68 મીટર પહોંચી છે. જો દરવાજા ન હોત તો નર્મદા ડેમ ઓવરફલો થઇ ચુકયો હોત. રિવરબેડ પાવર હાઉસમાંથી નદીમાં જાવક 13,773 ક્યૂસેક થઇ રહી છે. કેનાલ હેડ પાવર હાઉસમાંથી કેનાલમાં જાવક 5,031 ક્યુસેક આમ ટોટલ પાણીની જાવક 18,804 ક્યૂસેક થઇ રહી છે. જયારે છેલ્લા 24 કલાકમાં ડેમમાં પાણીની સપાટીમાં 65 સે.મી.નો વધારો થઇ રહ્યો છે. સામાન્યત: દર વર્ષે 15 ઓગષ્ટ પહેલાં ડેમ છલોછલ ભરાઇ જતો હોય છે. ત્યારબાદ ડેમનાં દરવાજા ખોલવામાં આવે છે.