રાજપીપળાના રાજેન્દ્રનગરમાં આવેલા જલારામ મંદિર પાસે આવેલા રૂમમાં રહેતા અને છૂટક મજૂરી કામ કરતા ઈસમે કામ ન મળતા એસીડ પી લેતા સારવાર દરમિયાન મોત નીપજ્યું હતું. બનાવની વિગત એવી છે કે, રાજપીપળાના જલારામ મંદિર પાસે રાજેંદ્રનગર સોસાયટીમાં રહેતા કલ્પેશ ડોડીયા (ઉ.વ.40) ગતરોજ બપોરે એસિડ પી લેતા તેમને રાજપીપળાની હોસ્પિટલ ખસેડ્યા બાદ ત્યાંથી એસ.એસ.જી હોસ્પિટલમાં લઇ જતા ત્યાં સારવાર દરમિયાન મોત નીપજ્યું હતું. બનાવ અંગે રાજપીપળા પોલીસે અકસ્માત મોત દાખલ કરી તપાસ હાથ ધરી હતી.