દેડીયાપાડા તાલુકાનાં પાનુડા ગામમાં નિશાળ ફળિયા ખાતે રહેતા લાલસિંહ હરિસિંહ વસાવા સોનગઢનાં ગૌમુખ મંદિરમાં સેવાપૂજાનું કામ કરતા હતા. પુજારી સવારે પોતાનું બાઈક લઈ ઘરેથી પાનુડા ગામે મંદિર માટે ધૂપ લેવા નીકળ્યા હતા.

તે સમયે ઉમરપાડા તાલુકાનાં વાડી ગામ નજીક ઝંખવાવ-વાડી સ્ટેટ હાઈવે પર વિમલ સ્ટોન ક્વારીની સામે માર્ગે પર અજાણ્યા વાહન સાથે તેનો અકસ્માત સર્જાયો હતો. જેમાં અજાણ્યા વાહને બાઈકને અડફેટે લેતા બાઈક સાથે લાલસિંહ વસાવા ઘસડાતા હતા અને તેમને માથા તથા ચહેતા પર ગંભીર ઇજા થઈ હતી જેને કારણે તેમનું ઘટના સ્થળે જ કરુણ મોત નીપજ્યું હતું.

આ ઘટના અંગે ઉમરપાડા પોલીસે ફરિયાદના આધારે આગળની કાર્યવાહી હાથ ધરી હતી.