નર્મદા જિલ્લાનાં નાંદોદ તાલુકાનાં વિશાલખાડી ગામના ગેસ્ટ હાઉસની ઓફિસ પાછળ જુગાર બાબતે એલ.સી.બી. પોલીસે રેડ કરી મુદ્દામાલ સાથે 5 ઈસમો સામે ગુનો દાખલ કર્યો હતો. મળતી માહિતી મુજબ, જિલ્લા એલ.સી.બી.ને મળેલી બાતમીનાં આધારે વિસાલખાડી ગેસ્ટ હાઉસ ઓફિસ પાછળ ખુલ્લી જગ્યામાં દિલીપભાઇ એળકીયાભાઇ વસાવા, છત્રસીંગ જગભાઇ વસાવા, અરવિંદભાઇ જેરામભાઇ વસાવા, વિપુલભાઇ રામસીંગભાઇ વસાવા તેમજ સંદિપભાઇ ગોપાલભાઇ વસાવાની ધરપકડ કરી હતી.

જોકે પોલીસે રેડ દરમિયાન રોકડા રૂપિયા 15,050/- તથા દાવ ઉપરના રૂપિયા 2,200/- મળી જુગારના રોકડા કુલ રૂપિયા 17,250/- તથા મોબાઇલ અને મોટરસાઇકલ મળી કુલ રૂપિયા 91,250/-નાં મુદ્દામાલ સાથે ઝડપાઈ જતા પોલીસે ગુનો દાખલ કરી કાયદેસરની કાર્યવાહી હાથ ધરી હતી.