નર્મદા જિલ્લા એસ.ઓ.જી પોલીસ સ્ટાફના માણસોએ સેલંબા ગામની સીમમાંથી ગેરકાયદેસર દેશી હાથ બનાવટની પિસ્તોલ સાથે એકને ઝડપી પાડી રૂપિયા 21 હજારનો મુદ્દામાલ કબ્જે કર્યો હતો. સુત્રો પાસેથી મળતી માહિતી મુજબ, નર્મદા જિલ્લા એસ.ઓ.જી પોલીસ માણસ સ્ટાફને ખાનગી રાહે બાતમી મળી હતી કે, સેલંબા ગામની સીમમાંથી એક દેશી હાથ બનાવટની પિસ્તોલ મેગેઝીન સાથે ગુમાન વિક્રમ બારેલા (રહે.ચાપરિયાપાણી, તા.વરલા, જિ.બળવા, મધ્યપ્રદેશ)ની અટકાયત કરી હતી તેમજ પિસ્તોલ તથા રોકડ રૂપિયા મળી 21 હજારનો મુદ્દામાલ કબ્જે કરવામાં આવ્યો હતો. બનાવ અંગે સાગબારા પોલીસ મથકે આમ્સ્ર એક્ટ અંગેનો ગુનો નોંધવામાં આવ્યો હતો તેમજ આરોપીનો કબ્જો મેળવી સાગબાર પોલીસને આગળની કાર્યવાહી માટે સોંપવામાં આવ્યો હતો.