નર્મદા જીલ્લાના દેડિયાપાડા એ.પી.એમ.સી.ના ગોડાઉનમાં બે દિવસ પહેલા લાગેલી આગ બાબતની ફરિયાદ બે દિવસ બાદ પોલીસ મથકે નોંધાઈ છે.

પ્રાપ્ત માહિતી અનુસાર તા.17 મી જાન્યુઆરીના સવારે 10 વાગે ડેડીયાપાડા એપીએમસીના ગોડાઉનમાં અચાનક આગ ભભૂકી ઉઠી હતી. જેમાં લાખોના નુકશાનનો અંદાજ હતો. ત્યારે ત્યાં ફાયરના અભાવે સ્થાનિકોએ જેસીબી દ્વારા દીવાલો તોડી આગા ઓલવવા પ્રયાસ કર્યો હતો. પરંતુ ગોડાઉનમાં મુકેલો સામાન આગમાં બળીને ખાક થઈ ગયો હતો.

જેમાં બે દિવસ બાદ તા.19 મી જાન્યુઆરીના રોજ ગોડાઉન રાખનાર રાજકુમાર ગુપ્તાએ ડેડીયાપાડા પોલીસ સ્ટેશનમાં ફરીયાદ આપી હતી. જેમાં જણાવ્યા મુજબ શોર્ટ-સર્કિટના કારણે આગ લાગી હતી જેમાં ગોડાઉનમાં મુકેલા ખાતર અને દવાનો મળી કુલ રૂપિયા 16,24,209/-નો જથ્થો બળી ગયો હતો. ડેડીયાપાડા પોલીસે ફરિયાદ બાદ જરૂરી તપાસ હાથ ધરી છે.(ભરત શાહ દ્વારા રાજપીપળા)