સાગબારાનાં કોડબા પાસે હાઈવે પર કાનમાં ઈયરફોન લગાવી બાઈક ચાલકે બસ સાથે અથડાતા અકસ્માત સર્જાતા બાઈક ચાલકને ઈજા પહોંચી હતી. બસને નુકશાન તથા અકસ્માત ગુનાની ફરિયાદ સાગબરા પોલીસ સ્ટેશનમાં નોંધાઈ હતી.

મળતી માહિતી મુજબ, ફરિયાદી કલ્પેશભાઈ સતીષભાઈ ચૌધરીએ બાઈક ચાલક ઈન્દ્રસિંગ કરણસિંગ તડવીની (રહે.વિરપોર,તા.અક્કલકુવા,નંદુરબાર) સામે ફરિયાદ કરી હતી કે, ઈન્દ્રસિંગ પોતાની હીરો હોન્ડા બાઈક નંબર જીજે/16/એકે/1231 ઉપર પોતાની બંને કાનમાં ઈયરફોન નાખેલી હાલતમાં પુરઝડપે અને ગફલતભરી રીતે હંકારી લાવી પોતાની સ્ટેરીંગ પરનો કાબુ ગુમાવી દેતા કલ્પેશભાઈની બસ નંબર જીજે/18/ઝેડ/0121નાં આગળના વચ્ચોવચ્ચ ભાગે અથડાવી દેતા બસને નુકશાન થયું હતું. આ બનાવ અંગે સાગબારા પોલીસે કાયદેસરની કાર્યવાહી હાથ ધરી હતી.