પોલીસ અધિક્ષક નર્મદા નાઓએ જિલ્લામાં ગેર કાયદેસર પ્રવૃતી કરતા ઈસમોને પકડી પાડવા પરીણામલક્ષી કામગીરી કરવા આપેલ સુચના અને માર્ગદર્શન આધારે પોલીસ ઇન્સ્પેક્ટર તથા એસ.ઓ.જી. સ્ટાફના માણસોએ બાતમી આધારે ડેડીયાપાડાના સાબુટી, પટેલ ફળયામાં રહેતા કાનજીભાઇ ઓલિયાભાઇ વસાવા જ્યાં રહે છે તે ઓરડી માંથી ગાંજો સંતાડી રાખ્યો છે. જે બાતમીના આધારે પોલીસ સ્ટાફનાં માણસો સ્થળ ઉપર જઈ રેડ કરી હતી.

જેથી પોલીસે સ્થળ ઉપરથી વનસ્પતીજન્ય માદક પદાર્થ સુકો ગાંજો 413 ગ્રામ તથા તેના કબજા ભોગવટાના ખેતરમાંથી વનસ્પતીજન્ય માદક પદાર્થ ગાંજાના લીલા છોડ 60 નંગ વજન 11 કિલો 400 ગ્રામ તથા રોકડા મળી કુલ રૂપિયા 1,21,150/-ના મુદ્દામાલ સાથે ઝડપી પાડી ડેડિયાપાડા પોલીસ સ્ટેશનમાં ગુનો રજીસ્ટર કરાવી કાયદેસર કાર્યવાહી હાથ ધરી હતી.