નર્મદા જીલ્લાના નાંદોદ તાલુકાના રીંગણી ગામ પાસે સવારે એક ટ્રકે મોટર સાઈકલ પર સવાર જીઆરડી જવાનને અડફેટમાં લેતા તેનું ઘટના સ્થળે જ મોત નીપજ્યું હતું.

આમથેલા પોલીસ સ્ટેશનમાં કનુભાઈ જેઠાભાઈ વસવાએ આપેલી પોલીસ ફરિયાદ મુજબ તેમનો ભાઈ નીલેશ જેઠાભાઈ વસાવા રાજપીપળાથી પોતાની ફરજ પૂરી કરી પરત નવાગામ પોતાના ઘરે જઈ રહ્યા હતા. તે સમયે ખામર તરફથી રેતી ભરી આવી રહેલી ટ્રક નંબર જીજે/21/વી/1319નો ચાલકે જીઆરડીની મોટર સાઈકલને ટક્કર મારતા નીલેશ વસાવાનું ઘટના સ્થળે જ કમકમાટીભર્યું મોત થયું હતું અને અકસ્માત કરી ટ્રક ચાલક ટ્રક ઘટના સ્થળે મૂકી નાસી છુટ્યો હતો. આમથેલા પોલીસે ટ્રક ચાલક વિરુધ ગુનો નોંધી આગળની તપાસ હાથ ધરી છે.