ISISના છેડા મળતા ગુજરાતના ચાર જિલ્લાઓમાં NIA (નેશનલ ઇન્વેસ્ટિગેશન એજેન્સી)એ દરોડા પાડ્યા છે. ગુજરાતમાં અમદાવાદ, સુરત, ભરૂચ, નવસારીમાં NIAએ દરોડા પડી તપાસ શરૂ કરી છે. સુરત,ભરૂચના આમોદ અને કંથારિયામાં શકમંદોની પૂછપરછ કરવામાં આવી છે તેમજ નવસારીના ડાભેલ ગામની મદરેસામાં ભણતા 4 વિદ્યાર્થીઓને ઉઠાવ્યા હોવાના સમાચાર  છે, જેમને તપાસ માટે સુરત લઇ જવામાં આવ્યાં છે. આ સાથે અમદાવાદમાં મદ્રેસા સ્કૂલમાંથી બે શકમંદોની ધરપકડ કરવામાં આવી છે.