સોનગઢ ના પાઘડધુવા ગામે સામાન્ય બાબતે બે જણાં વચ્ચે થયેલી બોલાચાલીમાં 80 વર્ષીય વૃદ્ધ ને માથાના ભાગે હોડી ચલાવવાના લાકડાના હલેસા નો સપાટો મારતા વૃદ્ધ નું મોત નીપજ્યું હતું, બનાવ અંગે પોલીસ ને જાણ થતા ઘટના સ્થળ પર પહોચી આરોપી સામે હત્યા નો ગુનો દાખલ કર્યો છે,

 

 

 

 

મળતી માહિતી અનુસાર સોનગઢ ના પાઘડધુવા ગામના દેડકદેવ ફળીયામાં ઉકાઈ ડેમના ફૂગારા કિનારે આજરોજ રામજીભાઈ ભાદીયાભાઈ વસાવા (ઉ.વ.80) રહે,કુઈલીવેલ ગામ,નિશાળ ફળિયું તા.સોનગઢ નાઓએ જાલુભાઈ રેવજીભાઈ વસાવા રહે,કુઈલીવેલ ગામ, મંદિર ફળિયું તા.સોનગઢ નાને “ તું કેમ હોડી ચલાવવામાં મદદ કરતો નથી અને જાળ બરાબર નાખતો નથી ” તેમ કહેતા તેઓ બંને વચ્ચે બોલાચાલી થતા આરોપી જાલુભાઈએ રામજીભાઈ વસાવાને “ તું કેમ મને ગાળો આપો છે ” તેમ કહી એકદમ ગુસ્સા માં આવી તેના હાથ માના હોડી ચલાવવાના લાકડાના હલેસા નો સપાટો માથામાં ડાબી સાઈડે મારી દેતા રામજીભાઈ વસાવા ને ગંભીર ઈજા પહોંચતા મોત નીપજ્યું હતું.

 

 

 

 

બનાવ અંગે બટેસિંગભાઈ રામજીભાઈ વસાવા નાઓની ફરિયાદના આધારે સોનગઢ પોલીસે જાલુભાઈ વસાવા વિરુદ્ધ ઈપીકો કલમ 302 તથા જીપી એકત 135 મુજબ ગુનો દાખલ કરી આગળની વધુ તપાસ હાથ ધરી છે,