નવસારીનાં જલાલપોરનાં મરોલી ઉભરાટ રોડના વાંસી ગામ પાસે રાત્રીના અંધારામાં રોડ પર ઉભેલ ભેંસ સાથે મોપેડ ભટકાતા તેના ચાલકનું ગંભીર ઈજાના કારણે મોત નિપજ્યું હતું. મળતી માહિતી મુજબ, અમ્રતભાઈ છનીયાભાઈ ટંડેલ (ઉ.વ.૫૩., રહે.માછીવાડ ગામ, સ્કૂલ ફળિયું, જલાલપોરનાં તારીખ ૨૫નાં રોજ એક્ટીવા મોપેડ ઉપર દીપલા ગામ ખાતે લગ્ન પ્રસંગમાં હાજરી આપવા જઈ રહ્યા હતાં. તે વખતે વાંસી ગામ, ખોડીયાળ માતાના મંદિર પાસે રોડ પર ઉભેલ ભેંસ સાથે તેમની મોપેડ ભટકાતા તેઓ રોડ ઉપર ફંગોળાતા માથા અને શરીરનાં ભાગે થયેલી ગંભીર ઈજાના કારણે ઘટના સ્થળે તેમનું મોત નિપજ્યું હતું.