સુરત જિલ્લના મહુવા તાલુકાના કાની ગામે મોબાઇલ ચોરનાર સીસીટીવી કેમેરામાં કેદ થયો હતો. પોલીસ પાસેથી મળતી માહિતી મુજબ મહુવા તાલુકાના કાની ગામે રહેતા કિરણભાઈ પટેલના ઘરના હીંચકા પર મૂકેલો મોબાઈલ ફોનની આસપાસ ચોરાઈ ગયો હતો, જેથી કિરણભાઇએ પોતાના ઘરે મૂકેલા સીસીટીવી કેમેરા ચેક કરતા ગામમાં જ રહેતો તુષાર પટેલ નામનો ઇસમ ફોન ચોરી કરતા ફૂટેજમાં દેખાયો હતો.

તે પોલીસમાં પકડાઇ જવાની બીકે ચોરી કરેલો મોબાઈલ ફોન કિરણભાઈને આપી ગયો હતો અને તેમની સાથે ગાળાગાળી કરી જો તમે પોલીસમાં ફરિયાદ આપશો તો તમને જાનથી મારી નાંખીશ તેવી ધમકી આપી હતી. આખરે કિરણ પટેલે મહુવા પોલીસમાં તુષાર પટેલ સામે ફરિયાદ કરતા મહુવા પોલીસે ગુનો નોંધી તેની અટક કરી કાયદેસરની કાર્યવાહી હાથ ધરી હતી.