‘વિજયા દશમી’ના પાવન અવસરે ગૃહ રાજ્યમંત્રીશ્રી હર્ષ સંઘવીએ સુરત શહેરના પોલીસ હેડકવાર્ટર ખાતેથી શહેર પોલીસ માટેની કુલ રૂ. બે કરોડની ૨૩ જેટલી પોલીસ વાન- (વન જીપ-બોલેરો)ને ફ્લેગ ઓફ આપી પ્રસ્થાન કરાવ્યું હતું. આ ૨૩ વાહનો સુરતના વિવિધ પોલીસ સ્ટેશનના પી.આઈ.શ્રીઓ, ક્રાઈમ બ્રાંચ માટે ક્રાઈમ ડિટેકશન તેમજ સંબંધિત સુરક્ષા કામગીરી માટે ઉપયોગી બનશે. આ પ્રસંગે પોલીસ કમિશનર અનુપમસિંહ ગહલૌત, વરિષ્ઠ પોલીસ અધિકારીઓ સર્વશ્રી વાબાંગ ઝમીર, એચ.આર.ચૌધરી, કે.એન. ડામોર, વિજયસિંહ ગુર્જર, હેતલ પટેલ સહિત ડી.સી.પી., એ.સી.પી.ઓ અને પોલીસકર્મીઓ ઉપસ્થિત રહ્યા હતા.