દેશની રાજધાની દિલ્હીના ઘંટાઘર વિસ્તારમાં આજે સવારે ગેસ સિલિન્ડર ફાટવાના કારણે એક મકાનમાં ભીષણ આગ લાગી ગઈ હતી. આગની જાણ થતાં જ ફાયર બ્રિગેડની 8 ગાડીઓને આગ પર કાબૂ મેળવવા માટે ઘટનાસ્થળે મોકલી દેવામાં આવી હતી.પ્રાપ્ત માહિતી પ્રમાણે એલપીજી સિલિન્ડર ફાટ્યા બાદ ફ્લેટના બીજા માળે ભીષણ આગ લાગી ગઈ હતી. ફાયર બ્રિગેડના જવાનોએ ભારે જહેમત બાદ આગ પર કાબુ મેળવ્યો હતો. આ દરમિયાન મકાનમાં ફસાયેલા 16 લોકોને સુરક્ષિત બહાર કાઢવામાં આવ્યા હતા. જેમાં 3 પુરુષ, 7 મહિલા અને 6 બાળકો સામેલ છે.