સુરતના માંગરોળ તાલુકાના પીપોદરા ગામે 20 દિવસ અગાઉ રાહદારીને આંતરી ચપ્પુની અણીએ મોબાઈલ ફોન તથા રોકડની લૂંટ કરનાર બે આરોપીઓને પોલીસે દબોચી લીધા હતા અને તેઓ પાસેથી બાઈક અને મોબાઈલ કબ્જે કર્યા હતા. સુરત ગ્રામ્ય એલસીબી ટીમના માણસો પેટ્રોલીંગમાં હતા.

તે દરમિયાન ચોક્કસ ખાનગી રાહે બાતમી મળી હતી કે, આજથી 20 દિવસ અગાઉ સુરત જિલ્લાના માંગરોળ તાલુકાના પીપોદરા ગામની સીમમાં ગણેશ પેટ્રોલિંગની ગલીમાં એક રાહદારીને આંતરી લૂંટારૂઓએ ચપ્પુની અણીએ રૂપિયા 5000 રોકડા તેમજ મોબાઈલની લુંટ ચલાવી ફરાર થઈ ગયા હતા.

આ ગુનામાં સંડોવાયેલા અસ્લમ સલીમભાઈ નઇનામોરી તેમજ શાહરૂખ શૌરાબ શેખ જેઓ દાલમિલ પાસે ઊભા છે. જે ચોક્ક્સ બાતમીના આધારે પોલીસે આ બંને આરોપીઓને દબોચી લીધા હતા. તેઓ પાસેથી એક બાઈક અને મોબાઈલ કબ્જે કરી કાયદેસરની કાર્યવાહી હાથ ધરી હતી. ત્યારે ઝડપાયેલા બંને આરોપીઓ ગુનાહિત ઇતિહાસ ધરાવતા હોવાનું જાણવા મળ્યું હતું.