માંડવી તાલુકાનાં ઝાબ ગામે પારસી ફળિયામાં રહેતો જગદીશભાઈ જીવણભાઈ વસાવા (ઉ.વ.30) મજુરી કામ કરતો હતો. જોકે ગત તારીખ 7મી જુલાઈની રાત્રે તે ઘરની બાજુમાં બંધ દુકાન બહાર સુતો હતો. તે સમયે તેના ડાબા પગના પંજામાં ઝેરી સાપે ડંખ મારતા તેને પ્રાથમિક સારવાર અર્થે બારડોલીની સરદાર હોસ્પિટલમાં લઈ જવાયો હતો. જ્યાં તારીખ 15મી જુલાઈનાં રોજ રાત્રે સારવાર દરમ્યાન તેનું મોત થયું હતું. બનાવ અંગે પોલીસે અકસ્માત મોતની નોંધ કરી આગળની તપાસ હાથ ધરી હતી.